މަނަދޫ
މަނަދޫ އަކީ ނ. އަތޮޅުގެ ވެރިކަންކުރާ ރަށެވެ.
side add
ލޮގިން
| ބުރާސްފަތި, 14 ޖެނުއަރީ 2010 07:02 |
| މަނަދޫ ކައުންސިލަރ މަޤާމުން އިސްތިޢުފާދެއްވުމަށް ސިޓީ ހުށަހަޅުއްވައިފި |
 ނ. މަނަދޫ ކައުންސިލަރ ކަމުގެ މަޤާމުގައި ހުންނެވި މަނަދޫ ނޫރީގޭ ޙުސައިން ޝިޔާމް އިސްތިޢުފާގެ ސިޓީ ހުށަހަޅުއްވައިފިއެވެ. އިސްތިޢުފާގެ ސިޓީ ހުށަހެޅުއްވިކަން ޝިޔާމް ވަނީ މަނަދޫ ލައިވްއަށް ކަށަވަރުކޮށްދެއްވާފައެވެ. އަދި މިކަމާއިގުޅިގެން މަނަދޫލައިވްއިން ދެންނެވި ސުވާލަކަށް ޖަވާބު ދެއްވަމުން ޝިޔާމް ވިދާޅުވީ، އިސްތިޢުފާ ދެއްވަން ނިންމެވީ ދިރިއުޅުމުގެ ކަންތައްތައް ހުރިގޮތުންނާއި ޕާޓީގެ ޙަރަކާތްތަކަށް ވަގުތު ހުސްކުރުމުގެ ބޭނުމުގައި ކަމަށެވެ. ޝިޔާމްގެ އިސްތިޢުފާއާ ގުޅިގެން ބައެއްމީހުން ދައްކަވަމުން ގެންދަވާ ވާހަކަތަކަށް ރައްދު ދެއްވަމުން ޝިޔާމް ވިދާޅުވީ، ވަޒީފާއިން ވަކިވެގެން މިދަނީ ސަރުކާރާއި އަދި އެމްޑީޕީއާދެމެދު މައްސަލައެއް އޮވެގެން ނޫންކަމަށާއި، ސަރުކާރުން ވަކިވާ ދުވަހުންފެށިގެން ޕާޓީގެ ކަންތައްތަކުގައި ކުރިއަށްވުރެ ބޮޑަށް ޙަރަކާތްތެރިވުން އިތުރުވެގެންދާނޭ ކަމަށެވެ. ''އަޅުގަނޑަކީ އިއްޔެވެސް އެމްޑީޕީ މީހެއް އަދި މިހާރުވެސް އެމްޑީޕީ ކުރިއަށް އޮތްތަނުގައިވެސް ހުންނާނީ އެމްޑީޕީއާއެކު. އެމްޑީޕީ އިއްތިހާދުގެ ސަރުކާރުގެ ޕޮލިސީއަށް އަޅުގަނޑު ތާއީދުކުރަން. ކުރިއަށް އޮތްތަނުގައި ކުރިއަށްވުރެ ބޮޑަށް ޕާޓީގެ ޙަރަކާތްތަކުން ފެނިގެންދާނެ. އެއްވެސް ހާލެއްގައި އެމްޑީޕީ ގޯސްގެވެގެން ނުވަތަ ސަރުކާރު ގޯސްވެގެނެއް ނޫން ވަޒީފާއިން މިވަކިވަނީކީ އިނގިލައްވާނެ އަޅުގަނޑަކީ އަމިއްލަ ބައިވަރު މަސައްކަތް ކުރަމުން އަންނަ މީހެއްކަން. އެހެންވެ އަޅުގަނޑު ދަންނަވާނީ ވަޒީފާއެއް ނޫނޭ މީގައި މުހިންމީ ކުރާ ޢަމަލޭ ޕާޓީގެ ޙަރަކާތްތައް ވަރުގަދަ ކުރުމޭ އެކަން ނެގެހެއްޓުމޭ.'' ކައުންސިލަރ ޙުސައިން ޝިޔާމް ވިދާޅުވިއެވެ. މީގެއިތުރުންވެސް ޝިޔާމް ވިދާޅުވީ، ސަރުކާރުގެ ޒިންމާދާރު ވަޒީފާއެއްގައި ހުރެގެން ޕާޓީގެ ކަންތައްތަކުގައި އުޅޭނެ ވަގުތު ނުލިބޭކަމަށާއި، މިނިވަނަކަށްވެހުރެ ގޮފީގެ ކަންތައްތަކުގަޔާއި، ދާއިރާގެ ކަންކަމުގައި އުޅެންލިބޭ ވަގުތު އިތުރު ވެގެންދާނެ ކަމަށެވެ. މަނަދޫ ކައުންސިލަރުކަން ޙުސައިން ޝިޔާމުއަށް ލިބިވަޑައިގަތީ ރައީސުލްޖުމްހޫރިއްޔާ މުޙައްމަދު ނަޝީދު މިދިޔަ އަހަރު ނ. އަތޮޅުގެ ބައެއް ރަށްރަށަށް ކުރެއްވި ޒިޔާރަތެއްގައި މަނަދުއަށް ވަޑައިގެން ބޭއްވި ޖަލްސާގައި 4 ފެބްރުއަރީ 2009 ގައެވެ. |
ކިޔުންތެރިންގެ ޚިޔާލް