ހުކުރު, 15 ޖެނުއަރީ 2010 00:50
"ޓޯޗަރ ވިކްޓިމްސް އެސޯސިއޭޝަން" ރިޔާސީ ކޮމިޝަން ފެލްވެފައިވާކަމުގެ ފުރަތަމަ ހެކި

ބީބުގެ ޤަލަމުން -

ޓޯޗަރ ވިކްޓިމްސް އެސޯސިއޭޝަން އަކީ ވޭތުވެ ދިޔަ 30 އަހަރުގެ ވެރިކަމުގައި އަނިޔާ ލިބުނު މީހުންނަށް އިންސާފު ހޯދައި ދިނުމުގެ ނަމުގައި އުފެއްދުމަށް މަސައްކަތްކުރާ ޖަމާޢަތެކެވެ. އިސްވެ ޙަރަކާތްތެރިވަނީ "ގޮށްރީންދޫގެ" އެކްޓިވިސްޓުންނެވެ. ސިލްސިލާ ބައްދަލުވުންތައް ފޯރީގައި ބާއްވަމުން ދަނީ ޤައުމުގެ ރައްޔިތުންނަށް ކަންތައްތަކެއް އޮޅުވާލުން ކަމުގައި ޤަބޫލުކުރުމުގެ ޖާގަ އެބައޮތެވެ.

އެންމެ ފުރަތަމަ ފާހަގަކޮށްލަންޖެހޭ އެއްކަމަކީ މިބައިމީހުންގެ ޙަރަކާތުގައި ސިޔާސީ ކުލަޖެހިގެންނުވާކަމަށް ބުނާ ބުނުމުގައި ހުރި ޙަޤީޤަތްތަކެވެ. ސިޔާސީ ކުލައެއް ޖެހިފައި ނުވާކަމަށް ބުނާއިރު، ވަކި ދައުރެއްގެ ވަކި ބޭފުޅެއްގެ ވެރިކަމުގައި މީހުންނަށް ލިބެމުން ގޮސްފައިވާ އަނިޔާތަކަށް މިޖަމާޢަތުން އިސްކަން ދިނީ ކީއްވެހެއްޔެވެ؟ ވެލާނާގޭ އިބްރާހިމް ނާޞިރުގެ ވެރިކަމުގައި ހިންގާފައިވާ ޖަރީމާތަކުގައި އަތްއަޅާ، 30 އަހަރުގެ ވެރިކަމުގެ އަނދިރިފަރާތް ދިވެހިރައްޔިތުންނަށް ދައްކަން އުޅޭ އުޅުމަކީ ޤަބޫލުކުރެވޭނޭ ކަމެއް ނޫނެވެ. މިކަމުން އަންގައިދެނީ ސިޔާސީގޮތުން މައުމޫނަށް އޮތް ތާއިދު ނަގާލުމަށް ވަގުތުގެ ބޭނުން ހިފަނީ ކަމުގައެވެ. އަދި މައުމޫނާމެދު ވަކިބައެއްގެ ހިތުގައި އުފެދިފައިވާ ޒާތީ ތައައްޞުބާއި ރުޅިވެރިކަންވެސް މިޙަރަކާތުން ހާމަކޮށްދެއެވެ.
 
މިޙަރަކާތުގެ ދެވަނަ ބޭނުމަކީ ފާއިތުވި ގިނަދުވަސްތަކުން ރައީސް އައްޔަން ކުރި ރިޔާސީ ކޮމިޝަނުން ކުރިމަސައްކަތަށް އެއްވެސް ކުރިއެރުމެއް ނުލިބުމުގެ އިތުރުން، އެބައިގަނޑަށް ކިޔަމުންދާ ފާޑާއި ނުރުހުމުގެ ބަސްތަކުން އަވަހަށް ސަލާމަތްވުމެވެ. އެހެނީ، ރިޔާސީ ކޮމިޝަނުގެ ތަރުޖަމާނު ޙަސީނާއި ވެރިޔާ ޙުސައިން ރަޝީދުގެ ހިތަށާއި ފިތަށް ކެތްނުވެ، އެހެރަ ދައްކަވާ ވާހަކަތަކުން އެނގެނީ ރިޔާސީ ކޮމިޝަނުގެ ޢަމަލުތަކާމެދު ރައީސުލުޖުމްހޫރިއްޔާ ހަމައެއްގޮތަކަށްވެސް ހިތްޕުޅު ހަމަ ނުޖެހޭކަމެވެ. ގަދަކަމުން ކުރީގެ ރައީސް ރިޔާސީ ކޮމިޝަނަށް ޙާޟިރުކުރަން އުޅުމުން ވީ ފަޟީޙަތާއި ބޭޒާރުން ގަންނާކުރައްވާ ލަދު އޮއްބާލުމަށް އެންމެ އެކަށީގެންވާ ޙަރަކާތަކީވެސް މިއީ ކަމުގައި ދެންނެވި ދާނެއެވެ. ހަމައެހެންމެ ރިޔާސީ ކޮމިޝަނުގެ ފޫނެތްފަޔަށް ފެންފުރުމުގެ ނަތީޖާއަކަށްވާނީ ވެދުންކޮށްފައިވާ މަޤާމުތައް ނިގުޅައިގަތުންކަން އެނގޭތީ ރައީސުލުޖުމްހޫރިއްޔާއަށް ވައިއަޅުވަން މިއަށްވުރެ ރަނގަޅު ޙަރަކާތެއް ނެތްކަމަ އެބޭފުޅުންނަށް އެނގެއެވެ.

ނަމާދަށްތިއްބާ ޖަލަށްލައި އަނިޔާކުރިކަމަށް ބުނާ މީހުންނާ ބެހޭގޮތުން ބައިނަލްއަޤުވާމީ ޖަމާޢަތްތަކަށް ރިޔާސީ ކޮމިޝަނުގެ ތަރުޖަމާނުފަދަ ދެއުޅިއެއްނުވާ ލޯޔަރުން ސާބިތުކޮށްދިނުމަށް ނަގާނެ ޤާނޫނީ ޕޮއިންޓްތަކުގައި ހުންނާނެ ބާރުވެރިކަމާމެދު އެތައްބަޔަކު ސުވާލުކުރާނެއެވެ. އަޅުގަނޑުގެ ހިތުގައިވެސް ސުވާލު އުފެދެއެވެ. އަދި ބަރަވެލި ހިނގުމުގެ ދުވެލީގައި އޮތް ރިޔާސީ ކޮމިޝަނުގެ ތަރުޖަމާނުގެ ސޯޓު އިތުރަށް ބޭލި ފަޟީޙަތްވުން ނޫންކަމެއް ވާނެކަމަކަށް އަޅުގަނޑަކަށް ޤަބޫލެއް ނުކުރެވެއެވެ. މިބުނެވިދިޔަ މަގުން ކަންތައް ހިނގައިފިނަމަ އަނެއްކާވެސް ރިޔާސީ ކޮމިޝަން ފަޟީޙަތް ވާނެއެވެ. އެއީ ހާދަހާވާ ބޮޑު ލަދެކެވެ.

ތިންވަނައަށް ފާހަގަކޮށްލެވޭ ކަމަކީ މިޙަރަކާތުގެ އެހީގައި "ރީންދުލައިގެން މަރުދޭމީހުން" ފޫހިވިޔަނުދީ ހިފެހެއްޓުމެވެ. އެހެނީ ރިޔާސީ ކަމިޝަނުގެ ބުރަދަނެއް ނެތްނަސައްކަތަކުގެ ނަތީޖާ ހިތިވުމުންނާއި ވެރިޔާގެ ބަހާއި ޢަމަލު ދިމާނުވާތީ ފޫހިވާ މީހުންދަނީ އިތުރުވަމުންނެވެ. މިކަން މިހާރު އެއްވަމުންދާ މުޒާހަރާތަކުންވެސް ހާމަވާނެއެވެ. ވުމާއެކު، އެމްޑީޕީގެ "ޖަޑިބުން"ގެ ކޮމިޓީއަކުން މިފަދަ ޙަރަކާތެއް ހިންގާނަމަ، އެބުނާ ރޫޙު އާވެ، އަނެއްކާވެސް ޕާޓީއަށް މަރުދޭނެ އެތައްބަޔަކު އިތުރުވާނެއެވެ. އެކަމަކު ހަނދާންކުރަންވީ ކިތަންމެ ފުރިހަމަ ޙަރަކާތެއް ހިންގިނަމަވެސް މިހާރު ޚިދުމަތްކުރަމުންދާ ސިވިލްސާވަންޓުގެ ކަރުބުޑުގައި ލައްވަމުންދާ "ހިތިރަހަ" ފިލުވައި ނުލެވޭނޭ ކަމެވެ. ގަދަކަމުން ކުރުވަމުންދާ ސޮއިތަކުން ލިބޭ މާއްދީ ނަފަޔަށް ވުރެ، ފަހުން ލިބޭ ނަތީޖާ މާދެރަވާނެއެވެ. މިއަދު ސިވިލް ސާވަންޓުން ތިބޭނީ އެފަދަ ދަނޑިވަޅަކަށް ފާރަލާލައެވެ.

ޓޯޗަރ ވިކްޓިމްސް އެސޯސިއޭޝަން ވުޖޫދަށް ގެނައުމުގެ މަޤުޞަދުތައް މި ބުނެވިދިޔަ ރޫޙަށް ހުރިއިރު، އުފެދޭ ސުވާލަކީ ބައިނަލް އަޤުވާމީ ކޯޓުތަކުއި ތިބޭނީ ހަމަ "ގަމާރުން" ބާވައެވެ. ޒާތީ ޙަސަދައާއި ސިޔާސީ ކުލަޖެހިގެން ހިންގާ މިފަދަ ޙަރަކާތައް އިންސާފުކުރުމަށް ތިބޭނީ  ހަމަ ދެއުޅި އެއްނުވާ މީހުން ބާވައެވެ. އެހެންކަމަށް ވާނަމަ ކާމިޔާބު އޮތީ ބުނެވި ދިޔަ ޓޯޗަރ ވިކްޓިމްސް" ޙަރަކާތަށެވެ. އެކަމަކު ހަނދާންކުރަންވީ ކަމަކީ ނަމާދަށް ސަޖިދައަށް ތިއްބާ ހައްޔަރުކުރިކަމަށް ބުނާ ހީލަތްތެރިންނާއި ވެރިކަމުގެ ދަހިވެތިވެގެން އުޅުނު ބާޤީންނަށާއި ބޮޑެތިކުށްތަކާއި ޖަރީމާތަކުގެ އަނިޔާވެރިންނަށް ހިމާޔަތްދޭ ކޯޓެއް އަދި ދުނިޔޭގައި އުފެދިފައި ނުވާކަމެވެ. ބުނެވިދިޔަމީހުންނަށް އަދަބު ދިނުމަކީ ހަމަ ކޮންމެ ސަރުކާރަކުންވެސް ކުރާނެކަމެއްކަމެވެ. ވުމާއެކު ޓޯޗާރ ވިކްޓިމްސްގެ ހުރިހާވެ މަޤުޞަދަކީ މައުމޫނުގެ ސަރުކާރުން ނަފާނުލިބުމުން އުފެދުނު ޒާތީ ޙަސަދާއާއި ރުޅިވެރިކަމެވެ. ރިޔާސީ ކަމިޝަން ފޭލްވުމުން ދެން ކުރާނެ އިތުރުކަމެއް ނެތިގެން މަންޒަރު ބަދަލުކޮށްލުމެވެ. ބަހާއި ޢަމަލު ދިމާނުވާތީ، ރައްޔިތުން ޕްރެޝަރަށް ދިޔަނުދީ ރީންދޫކުލައަށް މީހުން ހިތް ޖެއްސުމެވެ. ދަންވަން އޮތީ މިހަރަކާތުން ރިޔާސީ ކޮމިޝަނައި ގޮށްރީންދޫގެ ބައެއް މީހުން އިތުރަށް ފަޟީޙަތްވޫން ނޫން ކަމެއް ނުވާނެކަމަވެ. ޤަބޫލުކުރިޔަސް ނުކުރިޔަސް މިއީ ޙަޤީޤަތެވެ. 

ކިޔުންތެރިންގެ ޚިޔާލް

ކިޔުންތެރިއެއް
0
 
 
 
ރައްދު ދެއްވުމަށް
ބީބް މީ މައުމޫނީ މަޒުހަބަށް ތަބާވާ މީހެއްދޯ!
ނަން ޖެއްސެވުމަށް ރެޖިސްޓަރ ކުރައްވާ * ނުވަތަ ލޮގިން ކުރައްވާ
ޚިޔާލް ފޮނުވުމަށް
ކެންސަލް
ކިޔުންތެރިއެއް
0
 
 
 
ރައްދު ދެއްވުމަށް
ރިއާސީ ކޮމިސަން އެއީ ސުމެއްގެވެސް ފުރަގަސް.
ނަން ޖެއްސެވުމަށް ރެޖިސްޓަރ ކުރައްވާ * ނުވަތަ ލޮގިން ކުރައްވާ
ޚިޔާލް ފޮނުވުމަށް
ކެންސަލް
ކިޔުންތެރިއެއް
0
 
 
 
ރައްދު ދެއްވުމަށް
ހާދަ އަސަރެއް ކުރުވައޭ ދޯ! ގިނައިން ގޯސް ހެދިވަރަކަށް ހިތި އަސަރު ކުރުވާނެ.. މިދުނިޔެ މަތިން ޙެއްކެއް ނެތޭ ކިޔާފަ ރެކިގަނެވިދާނެ،،، ހާދަ ވަރަކަށް މިދުނިޔެއަށް ދަހިވެތިކަން ހިފާފައިވާ ބަޔެއްހެން މި "ނޫކުލައިގެން މަރުދޭމީހުން" ހީވެޔޭ ދޯ! ބަލަ މިތަނުން ލިބޭ އަނިޔާއަށް ރެކިގަންނަން ހާދަ މަސައްކަތެކޭ ތިކުރަނީ..ބުނަންތަ އަންނަން ދުނިޔޭގައި މިދުނިޔެއަށް ވުރެން ވޭން ދެނިވި އަޒާބު ހުރި ވާހަކަ "ނޫކުލައިގެން މަރުދޭމީހުން" އަށް ހަނދާންކޮށްދެން..ދޮގާއި މަކަރާއި ޙީލަތުން ރައްޔިތުންނަށް އޮޅުވާލެވިދާނެ ފައިސާއިން މިއަދު ކޮންމެކަމެއްވެސް ކުރެވިދާނެ އެއްބަސް ހަމަ... އެކަމު އެދުވަހުން ތިޔަ "ނޫކުލައިގެން މަރުދޭމީހުން" ކިހިނެއްބާ ހަދާނީ... ދެން ލަލާ
ނަން ޖެއްސެވުމަށް ރެޖިސްޓަރ ކުރައްވާ * ނުވަތަ ލޮގިން ކުރައްވާ
ޚިޔާލް ފޮނުވުމަށް
ކެންސަލް
ކިޔުންތެރިއެއް
0
 
 
 
ރައްދު ދެއްވުމަށް
ބީބުގެ ނަމުގައި ފިލާހުރެ ތިލިޔަނީ މައުމޫނުގެ ޚުދުމުހުތާރު ކަންވާރުން ފެންބޮއިގެން ހުރި މީހެއްކަން ރައްޔިތުންނަށް އެގިދާނެތީތޯ؟ ފިސާރިކެރިގެން ނިކުންނަވާ ރައްޔިތުން ނަށް ކަންކަން ހާމަކޮށް ދެއްވާ އަދި ތިބީބަކީ ރައްޔިތުން ގަބޫލް ކުރާ މީހެއްތޯ ބެލުމަށްޓަކައި ނަންވެސް ހާމަކޮށްލުން ވަރަށް މުހިއްމު
ނަން ޖެއްސެވުމަށް ރެޖިސްޓަރ ކުރައްވާ * ނުވަތަ ލޮގިން ކުރައްވާ
ޚިޔާލް ފޮނުވުމަށް
ކެންސަލް
ކިޔުންތެރިއެއް
0
 
 
 
ރައްދު ދެއްވުމަށް
ޙުސެން ރަޝީދުމެން މާބޮޑެތި ދީނީ ދަންނަބޭކަލުންނަށް ވެގެން، ހުރިހައި އިސްތައްޓެއް ނުރަޔަށްވީދުވަހު އަހަރެން ހިތަށް އަރާ މިލަވަނީ ކޮން ހަޅޭކެއްބާވައޭ. މިއީ ހަމަ ދީނުގައި އޮންނަ ގޮތްބާވައޭ. މީހުންނަށް މަލާމާތް ކުރުމާއި، ފުރައްސާރަ ކުރުމާއި، ދޮގުބުހުތާން ވާހަކަތައް ފެތުރުމަކީ ހަމަ އިސްލާމް ދީނުގައި ކުރަން އޮންނަ ކަމަކީބާވައޭ. މިފަދަ ދެވަނަ ދީނީ ޢިލްމު ވެރިޔަކު މިޤައުމުން ނުދައްކަވާށިއެވެ. އާމީން.
ނަން ޖެއްސެވުމަށް ރެޖިސްޓަރ ކުރައްވާ * ނުވަތަ ލޮގިން ކުރައްވާ
ޚިޔާލް ފޮނުވުމަށް
ކެންސަލް
ކިޔުންތެރިއެއް
0
 
 
 
ރައްދު ދެއްވުމަށް
ބީބުގެ ގަމާރުކަމާއެވެ. ބަލަ އެއްކަމެއް ޙާޞިލު ކުރުމަށްޓަކައި ދެ ހައިސިއްޔަތަކުން ދެ އިދާރާއެއް ނުވަތަ ގަވަމަންޓް ގެ ތެރެއިން ބޮޑީއަކާއި ސިވިލް ސޮސައިޓީގެތެރެއިން ބޮޑިއެއް އުފެދުމަކީ ބީބަށް އާކަމަކަށްވިޔަސް ދުނިޔެއަށް އާކަމެއްނޫން. އެހެނވިއްޔާ އެމެރިކާގަ ޕޮލިހުންތިބެފައި އެފްބީއައި މީހުންތިބެފައި ހޯމްލޭންޑް ސެކިއުރިޓީން ތިބެފައި ބޯޑަރު ބަލަހައްޓާން އަދި ވަކި ބަޔަކު ތިބުމަކީ ހާދަހާ ވާ ތާކުންތާކު ނުޖެހޭ ކަމެކޭ ދޯ . މައުހަދީ
ނަން ޖެއްސެވުމަށް ރެޖިސްޓަރ ކުރައްވާ * ނުވަތަ ލޮގިން ކުރައްވާ
ޚިޔާލް ފޮނުވުމަށް
ކެންސަލް
ކިޔުންތެރިއެއް
0
 
 
 
ރައްދު ދެއްވުމަށް
މީ އެއްވެސް އޮއްޓަރެއް ނެތް ލިޔުމެއްކަން ފާހަގަކުރެވޭ. އަދި އެންމެން ދަންނަށް ތެދު ޙަޤީޤަތް އޮޅުވާލަން މަސައްކަތް ކޮށްފައިވާކަން ފާހަގަކުރެވޭ.މިލިޔުން ލިޔުނީ ޒާތީ ޙަސަދައެއް ގެންގުޅޭ ބޭފުޅެއްކަން ފާހަގަކުރަން..........
ނަން ޖެއްސެވުމަށް ރެޖިސްޓަރ ކުރައްވާ * ނުވަތަ ލޮގިން ކުރައްވާ
ޚިޔާލް ފޮނުވުމަށް
ކެންސަލް
ކިޔުންތެރިއެއް
0
 
 
 
ރައްދު ދެއްވުމަށް
އަޅުގަޑަކީ މިސަރުކާރުގެ ވިކްޓިމެކެވެ. އަޅުގަޑަށް އިންސާފު ހޯދައިދޭނީ ކާކުތޯއެވެ.
ނަން ޖެއްސެވުމަށް ރެޖިސްޓަރ ކުރައްވާ * ނުވަތަ ލޮގިން ކުރައްވާ
ޚިޔާލް ފޮނުވުމަށް
ކެންސަލް
ކިޔުންތެރިއެއް
0
 
 
 
ރައްދު ދެއްވުމަށް
ރިޔާސީ ކޮމިޝަންގައި އުޅޭ ބައިގަނޑު އަދިވެސް ފަލަ މުސާރައާއެކު ބައިތިއްބަނީތަ؟ އަމިއްލައަށް އޮރިޔާން ވަނީނު ތިއޮއްގެން. އޮށަނި ބޮއިގެންނާއި އަފިހުން ކައިގެން ކުރީ ޒަމާނުގައި މީހުން އޮރިޔާން ޙާލުގައި މަގުމަތީ ދުވެ ހަދާ ވާހަކަ އަހަން. މިހާރު މިހާލުގައި އުޅޭ މީހުން ބޮއިގެން އުޅޭ އެއްޗެއް ހަމަ އެއްގޮތަކަށްވެސް ނޭގޭ.
ނަން ޖެއްސެވުމަށް ރެޖިސްޓަރ ކުރައްވާ * ނުވަތަ ލޮގިން ކުރައްވާ
ޚިޔާލް ފޮނުވުމަށް
ކެންސަލް
ކިޔުންތެރިއެއް
0
 
 
 
ރައްދު ދެއްވުމަށް
ަމައުމޫނުގެ އަނިޔާވެރި ސަރުކާރަށް ދާއީދުކުރާނީ އެފަދަ ލާ އިންސާނީ ޚިޔާލުގެ މީހުން.
ނަން ޖެއްސެވުމަށް ރެޖިސްޓަރ ކުރައްވާ * ނުވަތަ ލޮގިން ކުރައްވާ
ޚިޔާލް ފޮނުވުމަށް
ކެންސަލް
ކިޔުންތެރިއެއް
+1
 
 
 
ރައްދު ދެއްވުމަށް
ގޮއްރީނދޫ ކުލަދެކެ ބީބު ހާދަ ބިރުގަނެޔޭދޯ. އަނެއްކާ "ދަތް ހުރި ދުވަހު" ބަޔަކަށް "ބާރު" ދައްކާލައިފަ ހުންނެވީތޯ؟
ނަން ޖެއްސެވުމަށް ރެޖިސްޓަރ ކުރައްވާ * ނުވަތަ ލޮގިން ކުރައްވާ
ޚިޔާލް ފޮނުވުމަށް
ކެންސަލް
ކިޔުންތެރިއެއް
0
 
 
 
ރައްދު ދެއްވުމަށް
އަނިޔާ ލިބިފައިވާ މީހުންނަށް ހައްގުހޯދުމަކީ ހަމަ ރަނގަޅު ކަމެއްކަމަށް ދެކެން. އެހެންނަމަވެސް ދެރައީ މިކަހަލަ ކަންކަން ކުރަންތިބޭ މީހުންގެ ކަންތައް ހުންނަގޮތުން.
ނަން ޖެއްސެވުމަށް ރެޖިސްޓަރ ކުރައްވާ * ނުވަތަ ލޮގިން ކުރައްވާ
ޚިޔާލް ފޮނުވުމަށް
ކެންސަލް
މިލިޔުމަށް ޚިޔާލުފާޅުކުރެއްވުމަށް...