side add
| ބުދަ, 24 ފެބްރުއަރީ 2010 12:13 |
| ރާ ވިއްކުން ހުއްދަކުރާ ޤަވާޢީދަކީ މިއޮފީހުން ގެޒެޓް ނުކުރަނީސް ޢަމަލުކުރެވޭނެ ޤަވާޢިދެއްނޫން – ރައީސް އޮފީސް |
 މާރޗް އެއްވަނަ ދުވަހުންފެށިގެން މީހުން އުޅޭ ރަށްރަށުގައި ބަނގުރާ ވިއްކުމުގެ ހުއްދަ ދޭގޮތަށް އިކޮނޮމިކް މިނިސްޓްރީން ނިންމައި އެކަމާއި ބެހޭ ޤަވާޢިދު އިއްޔެ ޝާއިއުކޮށްފައިވީ ނަމަވެސް މިޤަވާޢިދު ގެޒެޓް ކުރެއްވުމާ ބެހޭގޮތުން ވަކިގޮތެއް އަދި ނުނިންމަވާ ކަމަށާއި، އެ އިޢުލާނާ ގުޅޭ ޤަވާޢިދަކީ، މިއޮފީހުން ގެޒެޓް ނުކުރަނީސް ޢަމަލް ކުރެވޭނެ ޤަވާޢިދެއް ނޫންކަމަށް ރައީސް އޮފީހުން މިއަދު ނެރުއްވި ނޫސް ބަޔާނެއްގައި ވިދާޅުވެއްޖެއެވެ. ''މިނިސްޓްރީ އޮފް އިކޮނޮމިކް ޑިވެލޮޕްމަންޓްގެ A10/2010 ނަންބަރު އިޢްލާނާ ގުޅޭ ގަވާއިދު މިހާރުވަނީ ގެޒެޓް ކުރެއްވުމަށް މިއޮފީހަށް ފޮނުއްވާފައެވެ . މިގަވާއިދު ގެޒެޓް ކުރެއްވުމާ ބެހޭގޮތުން ވަކިގޮތެއް މިއޮފީހުން އަދިވަނީ ނުނިންމައެވެ. މިނިސްޓްރީ އޮފް އިކޮނޮމިކް ޑިވެލޮޕްމަންޓްގެ A10/2010 ނަންބަރު އިޢްލާނާ ގުޅޭ ގަވާއިދަކީ، މިއޮފީހުން ގެޒެޓް ނުކުރަނީސް ޢަމަލު ކުރެވޭނެ ގަވާއިދެއް ނޫނެވެ. '' ރައީސް އޮފީހުގެ ނޫސްބަޔާންގައި ވެއެވެ. ރައީސް އޮފީހުން މިއަދު ނެރުއްވި ނޫސްބަޔާނުގައި މިނިސްޓްރީ އޮފް އިކޮނޮމިކް ޑިވެލޮޕްމަންޓްގެ A10/2010 ނަންބަރު އިޢުލާނާ ގުޅޭ ޤަވާޢިދު ޢާންމު ކުރެއްވުމުގައި ، އެ މިނިސްޓްރީ އިން ބައްލަވާފައިވާ ކަންތައްތަކުގެ ތެރޭގައި ދެކަމެއް ފާހަގަކުރައްވާފައި ވެއެވެ. އޭގެތެރެއިން ފުރަތަމައަށް ފާހަގަ ކުރައްވާފައިވަނީ، ''ދިވެހިރާއްޖޭގައި މީހުން ދިރިއުޅޭ ރަށްރަށުގައި ޣައިރު މުސްލިމުންނަށް ބަނގުރާ ވިއްކުން މަނާކުރުމުގެ ބިލެއް، 2009 ޑިސެމްބަރު މަހުގެ 16 ވަނަ ދުވަހު ރައްޔިތުންގެ މަޖިލީހުގެ 74 ވަނަ ޖަލްސާއަށް ހުށަހެޅި، އެ ބިލް އެ މަޖިލީހަށް ބަލައިގަންނަވާފައި ނުވާކަން.'' ދެވަނައަށް ފާހަގަކުރައްވާފައިވަނީ، ''ދިވެހިރާއްޖޭގައި މީހުން ދިރިއުޅޭ ރަށްރަށުގައި ޣައިރު މުސްލިމުންނަށް ބަނގުރާ ވިއްކުމާ ގުޅޭ ގަވާއިދު، ރައްޔިތުންގެ މަޖިލީހުގެ ގަވާއިދު ކޮމިޓީއަށް އެމިނިސްޓްރީން ހުށަހެޅުއްވުމުން، އެކޮމިޓީއިން އެގަވާއިދު އިޞްލާޙު ކުރެއްވުމާމެދު މަޝްވަރާ ކުރައްވައި، ނަމަވެސް އިޞްލާޙެއް ނުގެންނަވައި، އެމިނިސްޓްރީއާ އެގަވާއިދު އަނބުރާ ޙަވާލުކުރައްވާފައިވާކަން.'' މިއެވެ. |
ކިޔުންތެރިންގެ ޚިޔާލް
ޑީއާރުޕީން ރާވިއްކުމުގެ ހުއްދައެއް އެއްވެސް އިރަކު ދީފައި ނުވެއެވެ.
ޑީ.އާރު.ޕީ އިން މީހުން ޕާޓީއަށް ވައްދާފައިވަނީ މީހުންނަށްވެސް ނޭންގީ
ގޮޅާބޯ . މިހާރު ތިހިރީ ހަނދު އޮއްސިފާ ...ކަޑަވެއްޖެ ދޯ.... މަނަވެސް ވާނެތާ!