side add
| ބުދަ, 24 ފެބްރުއަރީ 2010 00:56 |
| މޫސާ މަނިކު ކާރުކޮޅުތެރެއިން ގިނަ ޢަދަދެއްގެ ރާފުޅިތަކެއް ފެނިއްޖެ |
 ހުޅުހެންވޭރު ދާއިރާގެ މެންބަރު ރީކޯ މޫސާ މަނިކު ކާރުކޮޅު ތެރެއިން 168 ފުޅި ރާ ފުލުހުން މިރޭ އަތުލައިގެންފިއެވެ. ފުލުހުންނަށް ލިބުނު އިންޓަލިޖެންސް ރިޕޯޓަކާއި ގުޅިގެން ހިންގި އޮޕަރޭޝަނެއްގައި މިރާފުޅިތަށް އަތުލައިގަތީ މާފަންނު ގެއަކަށް ވައްދަން އުޅުމުގެ ތެރޭގައެވެ. ފުލުހުން މިރޭ ވިދާޅުވީ، ރާފުޅިތައް އަތުލައިގަތް ކާރުގެ ވެރިފަރާތުގެ ގޮތުގައި ރަޖިސްޓްރީ ކޮށްފައިވަނީ މޫސާ މަނިކުގެ ނަންމައްޗަށެވެ. އަދި މިކާރުގެ ރަޖިސްޓްރީ ނަންބަރަކީ ޕީ -4674 އެވެ. މިކާރު ރާފުޅިތަކާއެކު އަތުލައިގަތްއިރު، އޭގައި ތިބީ ބިދޭސީ ހަތަރު މީހެއްކަމަށްވެސް މަޢުލޫމާތު ލިބިފައިވެއެވެ. މިކަމާއި ގުޅިގެން މާލެތެރޭގައި ތަފާތު އަޑުތައް އަރަމުން ގޮސްފައި ވެއެވެ. އަދި ބައެއް މީހުން މާލޭގެ އެކިތަންތަނަށް އެއްވެ މިކަމާއި ހިތްހަމަނުޖެހުން ފާޅުކޮށް، އަޑުއުފުލާފައި ވެއެވެ. މިތަންތަނުގެ ތެރޭގައި އިކޮނޮމިކް މިނިސްޓަރ ގެކޮޅުވެސް ހިމެނެއެވެ. މިއެއްވުންތަކުގައި ފުލުހުންނާއި އާންމުންނާއި ދެމެދު ކުރިމަތިލުންތައް ހިނގައި އެއްވުންތައް ރޫޅާލުމަށްޓަކައި ފުލުހުން ކަރުނަ ގޭސް ބޭނުންކޮށްފައި ވެއެވެ. މޫސާ މަނިކު ކާރުކޮޅުން މިހާގިނަ ޢަދަދެއްގެ ރާފުޅިތަކެއް ފެނިގެން މުޒާހާރާކުރަމުންދާއިރު އެމްއެލްއަށް އެނގިފައިވާ ގޮތުގައި މޫސަ މިހާރު ވަޑައިގެން ހުންނެވީ ބޭސްފަރުވާއަކަށް ސިންގަޕޫރުގައެވެ. |
ކިޔުންތެރިންގެ ޚިޔާލް
=ޅަސޮރު=