|
އަންގާރަ, 09 މާރޗް 2010 10:28 |
|
ޒާހިޔާ އާއި ޢައިސާއަކީ ލާމަސީލު އަންހެންދަރިޔާ ކަމަށް ޑީއާރުޕީން ހޮވައިފި |
އިދިކޮޅުޕާރޓީ ޑީއާރުޕީން ރޭ ދަރުބާރުގޭގައި ބޭއްވި ޖަލްސާގައި ލާމަސީލް އަންހެންދަރިޔާގެ މަޤާމަށް ކުރީގެ އެޑިއުކޭޝަން މިނިސްޓަރ ޒާހިޔާ ޒަރީރާއި، އަދި ކުރީގެ ޖެންޑަރ މިނިސްޓަރ އައިޝަތު މުޙައްމަދުދީދީ ހޮވައިއެވެ.
ޑީއާރުޕީން މި މަޤާމަށް ހޮވުނު ދެބޭފުޅުންނަށް ވަނީ އިނާމު ދީފައެވެ. މިއިނާމް އެދެބޭފުޅުންނަށް ދެއްވީ އެދެބޭފުޅުން ވަޒީރުކަން ކުރައްވާފައިވާ ކުރީގެ ރައީސް އަދި ޑީއާރުޕީގެ ޒައީމް މައުމޫން ޢަބްދުލްޤައްޔޫމެވެ.  ރޭގެޖަލްސާގައި މައުމޫން ދެއްކެވި ވާހަކަފުޅުގައި އެމަނިކުފާނުގެ ސަރުކާރުން ރާއްޖޭގެ އަންހެނުންގެ ހައްގުތައް ރައްކާތެރިކޮށްދީ އަންހެނުންގެ ހަމަހަމަކަމާއި ތަރައްގީއަށް ވަރަށް ގިނަމަސައްކަތްތަކެއް ކުރައްވާފައިވާކަން ފާހަގަކުރެއްވިއެވެ. ޑީއާރުޕީގެ އާޒައީމް ކަމަށް އިންތިޚާބުވެފައިވާ އަޙްމަދު ތަސްމީނުވެސް ޖަލްސާގައި ވާހަކަދައްކަވަމުން ކުރީގެ ސަރުކާރުން އަންހެނުންގެ ތަރައްގީއަށްދީފައިވާ އަހައްމިއްޔަތާއި ޙާސިލްވެފައިވާ ކުރިއެރުންތަކަށް ބައްލަވާލައްވައި މިހާރުގެ ސަރުކާރުން އަންހެނުންގެ ތަރައްގީއަށް މަސައްކަތް ނުކުރައްވާކަމާއި ދެއްވާސަމާލުކަން ކުޑަކަމަށްވިދާޅުވިއެވެ.
ޑީއާރުޕީގެ އަންހެނުންގެ ގޮފީގެ އިންތިޚާބުވެފައިވާ ރައީސާ ދުންޔާ މައުމޫންގެ ވީޑީޔޯ ޕްރެޒެންޓޭޝަނެއްވެސްޖަލްސާގައި ދެއްކިއެވެ. މީގެއިތުރުން އަންހެއްގޮފީގެ ނައިބުރައީސާކަމަށް އިންތިޚާބުވެފައިވާ ރޮޒައިނާ އާދަމްވެސް ވާހަކަދެއްކެވިއެވެ.
|
ކިޔުންތެރިންގެ ޚިޔާލް